काठमाडौं । इङ्ग्लिस प्रिमियर लिग अन्तर्गत गएराति सम्पन्न खेलमा म्यानचेस्टर सिटीले नटिङ्घम फरेस्टमाथि फराकिलो जित निकालेको छ। इतिहाद स्टेडियममा सम्पन्न खेलमा घरेलु टोली सिटीले फरेस्टमाथि ६–० को फराकिलो जित निकालेको हो।

सिटीको जितमा अर्लिङ हल्याण्ड ह्याट्रिक पुरा गर्दा जुलियन अल्भारेजले २ गोल तथा जोआओ क्यान्सेलोले एक गोल गरे। हल्याण्डको यो लगातार दोस्रो ह्याट्रिक हो। यसअघिको खेलमा हल्याण्डले क्रिस्टल प्यालेस विरुद्ध ह्याट्रिक गर्दा सिटीले पुनरागमन जित निकालेको थियो। यसै सिजन बुण्डेसलिगाबाट प्रिमियर लिग पुगेका हल्याण्डले पाँच खेलबाट कीर्तिमानी ९ गोल गर्दै सानदार सुरुवात गरेका हुन्।

फरेस्टसँगको खेलको १२ औं मिनेटमा सिटीलाई अग्रता दिलाएका हल्याण्डले दोस्रो गोल खेलको २३ औं मिनेटमा गरे। त्यस्तै ३८ औं मिनेटमा जोन स्टोन्सको पासमा गोल गर्दै उनले ह्याट्रिक पुरा गर्दा पहिलो हाफमा सिटी ३ गोलले अघि रह्यो। दोस्रो हाफमा जोआओ क्यान्सेलो गोलअन्तर बढाए। उनले ५० औं मिनेटमा बर्नान्डो सिल्भाको पासमा गोल गर्दा ६५ औं मिनेटमा जुलियन अल्भारेजले रियाद महरेजको पासमा गोल गर्दा सिटीले ६(० गोलको फराकिलो जित निकालेको हो।

जितसँगै ५ खेलबाट १३ अंक जोडेको सिटी अंकतालिकाको दोस्रो स्थानमा छ। त्यस्तै ५ खेलबाट ४ अंक जोडेको नवप्रवेशी नटिङ्घम फरेस्ट तालिकाको १५ औं स्थानमा छ।