सुनौलो नेपाल
रोल्पा । रोल्पाको माडी गाउँपालिका–३ तालावाङमा एक दम्पती धारिलो हतियारले काटेर हत्या गरिएको अवस्थामा फेला परेका छन्। रोल्पा परिवर्तन गाउँपालिका–२, राङ्सी घर भएका करिब २७ वर्षीय दुर्गाबहादुर पुन र उनकी श्रीमती करिब ३७ वर्षीया पार्वती मृत अवस्थामा फेला परेको प्रहरीले जनाएको छ।
रोल्पा प्रहरी प्रमुख डीएसपी विनोद घिमिरेका अनुसार उनीहरूले काठमाडौंमा इँटाभट्टामा काम गर्दा बिहे गरेका थिए। पछि रोल्पा आई तालावाङस्थित जयलाल डाँगीको घरमा उनीहरू मजदुरी गर्दै आएको पाइएको प्रहरीले जनाएको छ।
उनीहरूको हत्या अनुसन्धानका लागि कोहलपुरबाट तालिमप्राप्त कुकुर बोलाइएको प्रहरीले जनाएको छ। घटनाको खबर पाएसँगै घर्तीगाउँ इलाका प्रहरी कार्यालयबाट प्रहरी निरीक्षक देवराज भट्टराईको टोली र रोल्पा प्रहरी प्रमुख विनोद घिमिरेको टोलीले घटनास्थल पुगेको छ।
घटना मंगलबार राति भएको हुन सक्ने जनाउँदै प्रहरीले अनुसन्धान थालिएको जनाएको छ। उनीहरूको बीभत्स हत्या गरिएको प्रहरीको भनाइ छ।
सुनाैलाे नेपाल
सुनौलो नेपाल अनलाइन प्रा. लि.
अनामनगर काठमाडौँ, नेपाल
सूचना विभाग दर्ता नम्बर: ५४३/०७४-७५
सम्पर्क : ०१- ४१०२६६४
विज्ञापनका लागि : ९८५१४२००७७, ९८५१४०३८९९
सम्पर्क : ०१- ४१०२६६४
समाचारको लागी इमेल :
[email protected]
विज्ञापनका लागि इमेल :
[email protected]
मोहराज पौडेल
अध्यक्ष / प्रबन्ध निर्देशक
बाबुराम खड्का
प्रधान सम्पादक
