सुनौलो नेपाल
काठमाडौँ । नेपालमा थप २३० जनामा कोरोना भाइरस संक्रमण पुष्टि भएको छ । स्वास्थ्य तथा जनसंख्या मन्त्रालयले बुधबार आयोजना गरेको पत्रकार सम्मेलनमा प्रवक्ता सञ्जयकुमार ठाकुरले ३ हजार ८३६ नमुना परीक्षणमा २३० जनामा कोरोना पोजिटिभ देखिएको जानकारी दिएका हुन् ।
उनका अनुसार १ हजार ९५६ पीसीआर परीक्षणमा १२८ र १ हजार ८८० एन्टिजेन परीक्षणमा १०२ जना संक्रमण पुष्टि भएको हो ।
प्रवक्ता ठाकुरले नेपालमा कोभिड १९ को जोखिम कायमै रहेको भन्दै स्वास्थ्य सुरक्षाका मापदण्ड अपनाउन आग्रह पनि गरे । २४ घण्टामा ७८ जनामात्रै निको भएको उनले बताए । बुधबारसम्म सक्रिय संक्रमितको संख्या २ हजार ५०५ रहेको छ ।
२४ घण्टामा १ लाख ६५ हजार २०६ जनाले खोप लगाएका छन् । नेपालमा हालसम्म ११ लाख ४९ हजार ५२६ जना कोभिड १९ बाट संक्रमित भएको र १२ हजार ९ जनाको मृत्यु भएको प्रवक्ता ठाकुरले जनाए । उनले कोरोनाका गम्भीर बिरामी भई सघन उपचार कक्षमा भर्ना हुनेक्रम पनि नरोकिएको बताए ।
सुनाैलाे नेपाल
सुनौलो नेपाल अनलाइन प्रा. लि.
अनामनगर काठमाडौँ, नेपाल
सूचना विभाग दर्ता नम्बर: ५४३/०७४-७५
सम्पर्क : ०१- ४१०२६६४
विज्ञापनका लागि : ९८५१४२००७७, ९८५१४०३८९९
सम्पर्क : ०१- ४१०२६६४
समाचारको लागी इमेल :
[email protected]
विज्ञापनका लागि इमेल :
[email protected]
मोहराज पौडेल
अध्यक्ष / प्रबन्ध निर्देशक
बाबुराम खड्का
प्रधान सम्पादक
