रामचन्द्र पौडेललाई बहुमतले जिताए प्रधानमन्त्री हुने सम्भावना छः अध्यक्ष प्रचण्ड

सुनौलो नेपाल
सोमबार, २८ कार्तिक २०७९

तनहुँ । नेकपा (माओवादी केन्द्र)का अध्यक्ष पुष्पकमल दाहाल प्रचण्डले नेपाली कांग्रेसका वरिष्ठ नेता रामचन्द्र पौडेललाई प्रधानमन्त्री बनाउने सम्भावना रहेको बताएका छन् । तनहुँ–१ मा आज आयोजित चुनावी सभालाई सम्बोधन गर्दै उनले यस्तो बताएका हुन् । कांग्रेस नेता पौडेल तनहुँ–१ बाट प्रतिनिधि सभा सदस्यका उम्मेदवार छन् ।

अध्यक्ष दाहालले पौडेललाई बहुमतले जिताएमा प्रधानमन्त्री हुनसक्ने बताए । अध्यक्ष दाहालले पौडेललाई बहुमतले विजयी गराउन आग्रह गरे । रामचन्द्रजीको एउटा इच्छा हामी सबैलाई थाहा छ, एकचोटी यो देशको कार्यकारीको ठाउँमा पुग्ने इच्छा छ,” दाहालले भने, “त्यसकारण तपाईंहरूले ढुक्कसँग उहाँलाई अत्याधिक मतले जिताउनुभयो भने त्यो सम्भावना बढ्यो, बढ्यो, बढ्यो।”