सुनौलो नेपाल
काठमाडौं । सरकारले प्रधानन्यायाधीश चोलेन्द्र समशेर जबराबिरुद्धको महाअभियोग नयाँ प्रतिनिधि सभामा छलफल हुने बताएको छ । बुधवार मन्त्रीपरिषद्का निर्णय सार्वजनिक गरिसकेपछि सञ्चारकर्मीहरुको प्रश्नको जवाफ दिँदै सरकारका प्रवक्ता एवं सञ्चार तथा सूचना प्रविधिमन्त्री ज्ञानेन्द्रबहादुर कार्कीले प्रधानन्यायाधीश चोलेन्द्र समशेर जबराबिरुद्धको महाअभियोग नयाँ संसदमा छलफल हुने बताएका हुन् ।
उनले महाअभियोग माथि छलफल भएको प्रतिवेदन नयाँ गठित प्रतिनिधि सभामा छलफल हुने विषय जीवित रहेको बताए । उनले महाअभियोग सार्वभौम सम्पन्न संसदको सम्पती भएको बताए ।
उनले भने, ‘जहाँसम्म प्रतिनिधि सभामा चोलेन्द्र समशेर जबराको बिरुद्ध महाअभियोग माथि छलफल भएर त्यो छलफलको प्रतिवेदन गठित अर्को प्रतिनिधि सभामा छलफल हुने विषय जीवितै छ । महाअभियोग सार्वभौम सम्पन्न संसदको सम्पती हो । यसको छलफल अब आउने प्रतिनिधि सभामा छलफल भएर निर्णयमा पुग्छ ।’
मन्त्री कार्कीले अबको प्रतिनिधि सभामा छलफल भएर मात्रै प्रधानन्याधीशमाथिको महाअभियोगको टुंगो लाग्ने बताए ।
सुनाैलाे नेपाल
सुनौलो नेपाल अनलाइन प्रा. लि.
अनामनगर काठमाडौँ, नेपाल
सूचना विभाग दर्ता नम्बर: ५४३/०७४-७५
सम्पर्क : ०१- ४१०२६६४
विज्ञापनका लागि : ९८५१४२००७७, ९८५१४०३८९९
सम्पर्क : ०१- ४१०२६६४
समाचारको लागी इमेल :
[email protected]
विज्ञापनका लागि इमेल :
[email protected]
मोहराज पौडेल
अध्यक्ष / प्रबन्ध निर्देशक
बाबुराम खड्का
प्रधान सम्पादक
