सुनौलो नेपाल
काठमाडौं । नेकपा (एमाले) परित्याग गरी प्रतिनिधिसभा सदस्य निर्वाचनमा स्वतन्त्र उमेदवार बनेका घनश्याम भुसाल नेकपा (एकीकृत समाजवादी)मा प्रवेश गर्ने तयारी गरेका छन् । एकीकृत समाजवादी प्रवेशका लागि उनले प्र्रस्ताव पनि पठाएका छन् ।
भुसाल निकट स्रोतका अनुसार आफूले राखेका प्रस्तावमा सकारात्मक जवाफ आए उनी छिटै एकीकृत समाजवादीमा औपचारिक रूपमा प्रवेश गर्नेछन् ।
“उहाँको प्रस्ताव आजको सचिवालय बैठकले स्वीकार गरेको छ । लगभग कुुरा टुंगिसकेको छ । अब हामी एउटा प्रस्ताव पठाउँछौँ । त्यसपछि उहाँलाई पार्टीमा स्वागत गछौँ,” एकीकृत समाजवादीका एक नेताले भने ।
भुसालले एकीकृत समाजवादीमा आउनका लागि महासचिव पदमा आकांक्षा राखेका छन् । अहिले सचिवालय सदस्य बनाउने तयारी भएको ती नेताले बताए ।
मंसिर ४ गते भएको निर्वाचनमा रुपन्देही क्षेत्र नम्बर–१ बाट स्वतन्त्र उमेदवारी दिएका भुसाल एमालेका छविलाल विश्वकर्मासँग पराजित भएका थिए ।
सुनाैलाे नेपाल
सुनौलो नेपाल अनलाइन प्रा. लि.
अनामनगर काठमाडौँ, नेपाल
सूचना विभाग दर्ता नम्बर: ५४३/०७४-७५
सम्पर्क : ०१- ४१०२६६४
विज्ञापनका लागि : ९८५१४२००७७, ९८५१४०३८९९
सम्पर्क : ०१- ४१०२६६४
समाचारको लागी इमेल :
[email protected]
विज्ञापनका लागि इमेल :
[email protected]
मोहराज पौडेल
अध्यक्ष / प्रबन्ध निर्देशक
बाबुराम खड्का
प्रधान सम्पादक
