काठमाडौं । नेकपा (एमाले) का सांसद रघुजी पन्तले विशिष्ट व्यक्तिहरुको सवारी जनतालाई अपm्ठ्यारो नपर्नेगरी गर्ने व्यवस्था मिलाउन सरकारसँग माग गरेका छन् । आईतवार बसेको प्रतिनिधि सभाको बैठकमा समय माग गरी बोल्दै उनले यस्तो बताएका हुन् ।

विशिष्ट व्यक्तिको सवारी लोकतन्त्र अनुकुल नभएको उनको भनाई छ । सवारीलाई खुकुलो बनाउन सुरक्षा संयन्त्रले नचाहेको भन्दै उहाँले यस समस्याको सामाधान राजनीतिक नेतृत्वबाटै खोज्नुपर्ने बताए । राष्ट्रपतिको सवारीका क्रममा सुरक्षा प्रवन्ध गर्ने जिम्मा सरकारको भएपनि अनाहकमा राष्ट्रपतिले गाली खानुपरेको उनले बताए । सांसद पन्तले यस विषयमा गम्भिर हुन प्रधानमन्त्रीको ध्यानाकर्षण गराए ।

उनले भने – ‘दोष राष्ट्रपतिको होइन । योभन्दा अगाडी रामवरण यादव राष्ट्रपति हुनुहुन्थ्यो । उहाँको पालामा पनि यसरी पटक–पटक आलोचना भयो र उहाँले पनि विभिन्न कार्यक्रममा जाँदाको प्रक्रियालाई सरल बनाइयोस् भनेर प्रयत्न गर्नुभयो । अहिलेको राष्ट्रपतिको योभन्दा अगाडी पनि टिप्पणी भयो, उहाँले पनि यसलाई सरल र सहज बनाइयोस् भनेर प्रयत्न गर्नुभयो । तर अस्ति म आफैँपनि एकघण्टा जाममा परेँ । एम्बुलेन्स पनि जाममा प¥यो । सरकारले सवारी चलाउने मापदण्डलाई लोकतन्त्र अनुकुल खुकुलो र सुरक्षाको दृष्टिले पनि उपयुक्त बनाउने बारेमा पटक–पटक चर्चा चल्दा, आवाज उठ्दा पनि सरकारले ध्यान दिएको छैन । सरकारले यस सम्बन्धमा उपयुक्त पाइला नचाल्ने तर राष्ट्रपतिजस्तो गरिमामय संस्थाले यस बारेमा आलोचना भोग्नुपर्ने स्थिति आपैmँमा सुखद् होइन । किनभने मेरो सवारी कसरी चलाउने भनेर राष्ट्रपतिको भुमिका हुँदैन । त्यसको सम्पूर्ण जिम्मा त सरकारको सुरक्षा संयन्त्रले गर्छ । यो प्रश्नको समाधान राजनीतिक नेतृत्वबाट हुनुपर्छ । प्रधानमन्त्रीको तहबाट हुनुपर्छ । यो विषयलाई गम्भिरतापूर्वक लिउँ । यो प्रणालीको समयानुकुल परिमार्जन आवश्यक छ । यो गर्ने सरकारले हो । सरकारले नगर्ने अनि राष्ट्रपतिले किन गाली खाने ? राष्ट्रपति संस्था किन विवादमा पर्ने ? म अविलम्व यस विषयमा प्रधानमन्त्रीको ध्यानाकर्षण गराउँदछु कि सवारीहरुलाई सहज, सजिलो र जनतालाई अपm्ठ्यारो नपर्नेगरी कसरी व्यवस्था गर्ने हो सरकारको दायित्व हो । प्रधानमन्त्रीको ध्यानाकर्षण गराउन चाहन्छु ।’