कञ्चनपुर । गैर कानुनी चोरी तस्करी, भन्सार छली निन्त्रणमा निर्मम बन्दै गएको सशस्त्र प्रहरीले निरन्तर तस्करीजन्य गतिबिधी नियन्त्रण गर्दै आएको छ । सशस्त्र प्रहरीले पछिल्ला दिनहरुमा तस्करीजन्य भन्सार चोरी छलीका गैर कानुनी गतिबिधी नियन्त्रण गर्दै आएको हो ।

शसस्त्र प्रहरी बल ३५ नम्बर हेडक्वाटर शैलेश्वरी गणले भारतबाट अवैध रुपमा नेपाल भित्र्राईरहेका गैर कानुनी गतिबिधी नियन्त्रण गर्दै तस्करमाथि डण्डा बजाईरहेको छ । जिल्लाका विभिन्न खुला नाकाबाट भन्सार नकाटेरै अवैध रुपमा तस्करीमा समान भ्रित्राईरहेका तस्करमाथि सशस्त्र प्रहरीले डण्डा बजाउँदै अवैध समान नियन्त्रण गर्दै आएको छ ।

शसस्त्र प्रहरी बल ३५ नम्बर हेडक्वाटर शैलेश्वरी गणका गणपति सशस्त्र प्रहरी उपरीक्षक प्रेम बहादुर रावलले जिल्लाका विभिन्न स्थानमा रहेका बोर्डर आवट पोष्ट मार्फत चोरी तस्करी नियन्त्रण गर्दै आएको बताए । सशस्त्र प्रहरी उपरीक्षक रावका अनुसार एक साताको अवधिमा साढे बढीको अवैध समान बरामद गरेर भन्सार चलान गरिएको छ । ७ फागुनदेखि ११सम्म जिल्लाको पुर्नवास नपा ४(घ) गाँउ, ११ डाकेबजार, अमरबस्ती, बेलौरी नपा १ फटैया, ६ नकैया, २ थापाचोक, १० सडकघाट, दोधाराचाँदनी नपा १ गडीगोठ, ३ बडूवाल टोल,जमुनाघारी र भीमदत्त नगरपालिका १० गड्डाचौकी, चौकीसाता, बाँसखेडा लगायतका क्षेत्रबाट अवैध व्यवसायिक समान बरामद गरिएको छ ।

८ लाख, ७० हजार, २३४ रुपैया बराबरको अवैध समान बरामद गरेको हो । सशस्त्र प्रहरीले जिल्लाकै भन्सार क्षेत्र गड्डाचौकी, चौकीसाता क्षेत्रबाटै अवैध समान बरामद गरेसंगै तस्कर समुहले भन्सारसंगै सेटिङ्ग गरेको स्थानीय व्यवसायीको भनाई छ । स्थानीय व्यवसायीले भारतबाट ल्याएको समान भन्सार नजिक अघिबाटै अवैध समान बरामद हुँदा भन्सारसंगकै सेटिङ्गमा ल्याएको दावि गरेका छन । कञ्चनपुरका सशस्त्र प्रहरी प्रमुख रावलले निस्वार्थ भएर देश र जनताका लागि सीमा क्षेत्रमा हुने गैर कानुनी गतिबिधीमा निर्मम भएर नियन्त्रण गर्न बिओपी इन्चार्जहरुलाई निर्देशन दिएका छन ।

विगतमा सशस्त्र प्रहरीले लार्ईन लिएर तस्करी गराउँदै आएको आरोप अहिलेका सशस्त्र प्रहरी कञ्चनपुर प्रमुख रावलले चिर्न लागेका छन् । स्थानीयले सुशासन, राजस्व चुहावट रोक्नका लागि सशस्त्र प्रहरीको अहिलेको भूमिकाले निरन्तरता पाउनुपर्ने सुझाव दिदै आएका छन ।