काठमाडाैँ । आईसीसी विश्वकप लिग–२ अन्तर्गत त्रिकोणात्मक एकदिवसीय सिरिजको आफ्नो अन्तिम खेलमा यूएईले जितका लागी नेपाललाई दिएको ३११ रनको लक्ष्य पछ्याउँने क्रममा अहिले ब्याटिङ गरिरहेको छ । त्रिवि क्रिकेट मैदानमा जारी खेलमा ३९ ओभरको खेल समाप्ती हुँदा नेपालले २ सय २५ रन बनाएको छ । ६ विकेटको क्षतिमा नेपालले २२५ रन जोडदा नेपाललाई जितका लागि ११ ओभरको खेलमा ८६ रन बनाउनुपर्ने चुनाैती छ ।

तेस्रो बलमा जहूर खानको बलमा १ रन लिँदै कुशल भुर्तेलले एकदिवशीय अन्तर्राष्ट्रिय करिअरको पाँचौं अर्धशतक पूरा गरेका छन् ।

अर्धशतक बनाएर खेलिरहेका आरिफ शेख जहुर खानको बलमा लङ अनको क्षेत्रमा भृत्य अरविन्दको हातबाट क्याचआउट भएका छन् । यो विकेटसँगै नेपाललाइ ठूलाे नाेक्सानी भएकाे छ ।

आजको खेलमा जित निकाल्दै नेपाल सोझै विश्वकप छनोटमा स्थान बनाउने योजनामा छ । यता यूएई पनि आजको खेलमा जित निकाल्दै एकदिवसीय मान्यता जोगाउने लक्ष्यमा छ । लिग–२ मा नेपाल ३५ खेलबाट १८ जितसँगै ३८ अंक जोडेर तालिकाको चौथो स्थानमा छ । यूएई ३५ खेलबाट ३३ अंक जोडेर तालिकाको छैटौं स्थानमा छ ।