सुनौलो नेपाल
काठमाडौं । सभामुख देवराज घिमिरेले पत्रकारहरूबारे केही दिन अगाडि दिएको अभिव्यक्तिमाथि संसदमा प्रश्न उठेको छ ।
‘पत्रकारहरू विक्रीमा छन्’ भन्दै पत्रकारहरुमाथि लगाएको गम्भीर आरोपबारे कांग्रेसका सांसद रामहरि खतिवडा र नेपाल मजदुर किसान पार्टीका सांसद प्रेम सुवालले प्रश्न उठाएका हुन् ।
आइतबार प्रतिनिधिसभाको बैठकमा बोल्दै नेपाली सांसद रामहरि खतिवडाले पत्रकार र पत्रकारिताबारे अभिव्यक्ति दिंदा त्यसले प्रेस स्वतन्त्रतामाथि परेको आघातको बारेमा सोचिएको छ कि छैन भनी प्रश्न गरे ।
त्यस्तै सांसद सुवालले यदि सभामुखले भनेजस्तै पत्रकारहरु बिकाउ हो भने कुन-कुन हो छानविन समिति बनाएर अध्ययन गर्न माग गरे । सभामुखको अभिव्यक्ति सार्वजनिक महत्वको विषय हुने भन्दै उनले ध्यानाकर्षण गरे ।
घिमिरेले नेपाल पत्रकार महासंघका पदाधिकारीसँग शुक्रबार भएको भेटघाटमा पत्रकारहरू बिक्रीमा रहेको अभिव्यक्ति दिएका थिए।
सुनाैलाे नेपाल
सुनौलो नेपाल अनलाइन प्रा. लि.
अनामनगर काठमाडौँ, नेपाल
सूचना विभाग दर्ता नम्बर: ५४३/०७४-७५
सम्पर्क : ०१- ४१०२६६४
विज्ञापनका लागि : ९८५१४२००७७, ९८५१४०३८९९
सम्पर्क : ०१- ४१०२६६४
समाचारको लागी इमेल :
[email protected]
विज्ञापनका लागि इमेल :
[email protected]
मोहराज पौडेल
अध्यक्ष / प्रबन्ध निर्देशक
बाबुराम खड्का
प्रधान सम्पादक
