लुम्बिनी । लुम्बिनी प्रदेश सरकार विस्तार भएको छ । मुख्यमन्त्री डिल्ली चौधरीले सत्ता साझेदार दलहरु कांग्रेस, जसपा, जनमतबाट ३ जना नेतालाई मन्त्रीपरिषद्मा सामेल गराउँदै प्रदेश सरकार विस्तार गरेका हुन् ।

मुख्यमन्त्री चौधरीले कांग्रेस, जसपा, जनमतबाट एक/एक जना गरी तीन जना थपेर सात सदस्सीय मन्त्रिपरिषद् बनाएका हुन् ।

कांग्रेसका राजु खनालले स्वास्थ्यमन्त्रालय, जनमतबाट चन्द्रकेश गुप्ताले सामाजिक विकासमन्त्रालयको जिम्मेवारी पाएका छन् । यस्तै, जसपाबाट भण्डारीलाल अहिर कृषिमन्त्री नियुक्त भएका छन् ।

त्यस्तै, दुई जना विनाविभागीय मन्त्रीको पनि जिम्मेवारी तोकिएको छ । नागरिक उन्मुक्तिका धर्मबहादुर चौधरी भौतिक पूर्वाधार मन्त्रालय र लोसपाका सन्तोषकुमार पाण्डेले आन्तिरिक मामिला तथा कानुन मन्लायको जिम्मेवारी तोकिएको हो ।

मुख्यमन्त्री सचिवालयले नवनयिुक्त मन्त्रीहरुको शपथग्रहण आजै बुटवलस्थित प्रदेश प्रमुख कार्यालयमा हुने जनाएको छ ।

यसअघि माओवादीका धनबहादुर मास्कीले आर्थिक मामिला मन्त्रालयले जिम्मा पाएका थिए ।

प्रदेश सरकारका प्रवक्ता सन्तोषकुमार पाण्डेयले लुम्बिनीमा अझै केही मन्त्रालय रिक्त नै रहेका र बाँकी मन्त्री बजेटपछि नियुक्त हुने जानकारी दिए ।

माओवादीमा आन्तरिक विवाद भएपछि बाँकी मन्त्री नियुक्ति बजेटपछिका लागि तय भएको स्रोतको भनाइ छ ।

लुम्बिनीका मुख्यमन्त्री चौधरीले बैशाख १५ गते शपथग्रहण गर्दै चार सदस्यीय मन्त्रीमण्डल विस्तार गरेका थिए ।

कांग्रेसका २७, माओवादीका ११, नागरिक उन्मुक्ति पार्टीका चार जना, जनमत पार्टी, जनता समाजवादी पार्टी र लोकतान्त्रिक समाजवादी पार्टीका तीनरतीन जना, राष्ट्रिय जनमोर्चा, नेकपा एकीकृत समाजवादीका एकरएकजना र स्वतन्त्र एक सांसद गरी ५३ जना सांसदको समर्थन कांग्रेसका डिल्ली चौधरी नेतृत्वको सरकारले पाएको छ ।