मोरङ । विराटनगर महानगरपालिका–७, पिपलचोकमा मोटरसाइकल दुर्घटना हुँदा एक जनाको ज्यान गएको छ ।

ज्यान गुमाउनेमा मोरङको कटहरी गाँउपालिका–२ का २७ वर्षीय सागर भगत रहेका छन् ।

प्रहरीका अनुसार दुर्घटनामा घाइते भएका उनको उपचारका क्रममा आज बिहान रेडक्रस अस्पताल विराटनगरमा मृत्यु भएको हो ।

पश्चिमबाट पूर्वतर्फ जाँदै गरेको बा ७६ प ७८४६ नम्बरको मोटरसाइकल आइतबार राति साढे ११ बजे आफै अनियन्त्रित भई दुर्घटना भएको प्रहरीले बताएको छ ।