सुर्खेत । कर्णाली प्रदेश सरकारले आगामी आर्थिक बर्ष २०८०/०८१ का लागि ३३ अर्ब ३७ करोडभन्दा बढीको बजेट प्रस्तुत गरेको छ ।

शुक्रबार बसेको प्रदेशसभा बैठकमा आर्थिक मामिलामन्त्री वेदराज सिंहले ३३ अर्ब ३७ करोड ९७ लाख ७ हजारको आउँदो आव को बजेट पेश गरेका हुन् ।

प्रस्तुत प्रदेशको आर्थिक विद्येयकमा चालुतर्फ ९ अर्ब २० लाख २४ हजार अर्थात २६.९७ प्रतिशत बजेट विनियोजन भएको छ ।

यस्तै, पुँजीगततर्फ १९ अर्ब ५७ करोड ७२ लाख ४३ हजार अर्थात ५८.६५ प्रतिशत छ र स्थानीय तहमार्फत वित्तीय हस्तान्तरणमार्फत ४ अर्ब ८० करोड ४ लाख ४० हजार अर्थात १४.३८ प्रतिशत विनियोजन गरेको छ ।

बजेटको स्रोततर्फ ८३ करोड ६२ लाख १२ हजार आन्तरिक राजश्वबाट उठाउने लक्ष्य दिएको छ भने चालु आबमा ७ अर्ब ४१ करोड ६ लाख ५ हजार खर्च नभई बचत हुने अनुमान गरिएको छ ।

आर्थिक मामिलामन्त्री सिंहले संघीय सरकारबाट राजश्व बाँडफाँटबाट ८ अर्ब ८४ करोड ३ लाख, वित्तिय समानीकरण अनुदानबाट १० अर्ब १६ करोड ४१ लाख र सशर्त अनुदानबाट ४ अर्ब ७५ करोड ३ लाख परिचालन गरिने बताए ।

यस्तै, ७६ करोड १६ लाख समुपुरक अनुदान र विशेष अनुदान ५९ करोड ७९ लाख प्राप्त भएको छ भने १ करोड ८६ लाख ९० हजार वैदेशिक सहायतबाट प्राप्त हुने अनुमान बजेटमा उल्लेख गरिएको छ ।