काठमाडौं । राष्ट्रपति रामचन्द्र पौडेल फेरी अस्वस्थ भएका छन् ।
मुटुमा समस्या देखिएपछि उनलाई शनिबार त्रिवि शिक्षण अस्पताल महाराजगन्ज पुर्याएको थियो ।
राष्ट्रपतिका स्वकीय सचिव चिरञ्जीवी अधिकारीले थप उपचारका लागि बिहान पाँच बजे नै शिक्षण अस्पतालसँगै रहेको मनमोहन कार्डियो थोरासिस भास्कुलर एण्ड ट्रान्सप्लान्ट सेन्टरमा भर्ना गरिएको जानकारी दिए ।
स्वकीय सचिव अधिकारीका अनुसार राष्ट्रपतिको स्वास्थ्य अहिले सामान्य छ ।
राष्ट्रपति पौडेल मुटुमा समस्या देखिएपछि गत मंगलबार शहीद गंगालाल राष्ट्रिय हृदय केन्द्रमा भर्ना भएका थिए । उपचार गराएर डिस्चार्ज भएको केही दिनमै उनलाई फेरि स्वास्थ्य समस्या देखिएको हो ।