काठमाडौं। इसेवाको पैसा एटिएमबाट झिक्न सकिने भएको छ। यसका लागि बुधबार एभरेस्ट बैंकका डेपूटी सिइओ विजय कुमार श्रेष्ठ र इसेवाका सिइओ जगदिश खड्काबीच सम्झौतामा भएको हो।

इसेवा र एभरेष्ट बैकको यो सम्झैताले ग्रहकलाई सहजता हुने एभरेष्ट बैंकका डेप्यूटी सिइओ विजय श्रेष्ठले बताए । ‘कहिलेकाहीँ पैसा नभएको अवस्थामा क्यासको आवस्यकता पर्न सक्छ। त्यस्तो अवस्थाका लागि यो सेवा निकै उपयोगी हुन्छ,’ उनले भने।

इसेवाले ग्राहकको जनजीवन सहज बनाउन काम गरिरहेको र यो सेवा पनि त्यसैको हिस्सा रहेको इसेवाका सिइओ खड्का बताउँछन्। यो सेवा केही समयका लागि निःशुल्क गरिएको र त्यसपछि नेपाल राष्ट्र बैंकको निती बमोजिम शुल्क लाग्ने उनले जानकारी दिए।

यो सेवा प्रयोग गर्न इसेवाको एप प्रयोग गरी मोबाइलमा आएको ओटिपी कोड एटिएममा प्रविष्ट गरेर ५ हजार रुपैयाँसम्म झिक्न सकिने खड्काले जानकारी दिए।