काठमाडौं । आईसीसी एकदिवसीय विश्वकप छनोटअन्तर्गत आफ्नो तेस्रो खेलमा नेपालसामु विश्व विजेता वेष्ट इण्डिजले ३४० रनको जितका लागि विशाल लक्ष्य प्रस्तुत गरेको छ । नेपालले पाएको यो अहिलेसम्मकै ठूलो लक्ष्य हो ।

टस हारेर पहिला ब्याटिङको निम्तो पाएको वेष्ट इण्डिजले निर्धारित ५० ओभरमा ७ विकेटको क्षतिमा ३३९ रनको योगफल तय गरेको हो ।

खेलको सुरुवाती क्रममा नेपालले तीन ब्याटरलाई सजिलै आउट गर्न सफल भए पनि त्यसपछि नेपाली बलरहरुले विकेट लिन संघर्षरत हुनु प¥यो ।

नेपालले दोस्रो ओभरमै वेष्ट इण्डिजका ओपनर केल मायर्सलाई आउट गरेको थियो । करण केसीको बलमा कुशल भुर्तेलले आकर्षक क्याच आउट गरेका थिए ।

करणले यसअघि अमेरिकाविरुद्धको खेलमा पनि ४ विकेट लिएर प्लेयर अफ द म्याच भएका थिए ।

पाँचौं ओभरमा वेष्ट इण्डिजका तेस्रो नम्बरका ब्याटर जोन्सन चाल्र्सलाई गुल्सन झाले विकेटकिपर आसिफ शेखबाट कट बिहाइन्ड आउट गराउन सफल भए ।

गुल्सनको स्पेलको पहिलो बलमै आउट भएका चाल्र्सले खाता खोल्नै सकेनन् ।

यसअघि १५.३ ओभरमा तेस्रो विकेट ब्रेन्डन किंगलाई ३२ रन बनाएर खेल्दै गर्दासन्दीप लामिछानेले बोल्ड आउट भए ।

४३.६ ओभरमा दीपेन्द्रसिंह ऐरीले कट एण्ड बोल्ड गर्नुअघि दुईपल्ट जीवनदान पाएका पुरने ११५ रन बनाए । उनले ९४ बलमा १० चौका र ४ छक्का प्रहार गरे ।

४७.१ ओभरमा ललित राजवंशीले वेष्ट इण्डिजको पाँचौं विकेटका रुपमा रोभमन पावेललाई गुल्सन झाबाट क्याच आउट गराउन सफल भए ।

पावेलले १४ बलमा ३ चौका र १ छक्कासहित २९ रन बनाए । ४९.२ ओभरमा ललितले वेष्ट इण्डिजका कप्तान होपलाई १३२ रनमा भीम सार्कीबाट क्याचआउट गराएका थिए ।

बलिङमा ललितले ३ तथा करण, गुल्सन, सन्दीप र दीपेन्द्रले एक–एक विकेट लिए । ललितले १० ओभरमा ५२ रन खर्चिए ।

सन्दीपले १० ओभरमा १ मेडन राख्दै ५० रन खर्चिए । अघिल्लो खेलमा अमेरिकाविरुद्ध प्लेयर अफ द म्याच बनेका करण यसपल्ट महंगो सावित भए । उनले १० ओभरमा १ मेडन राख्दै ८१ रन खर्चिए । नेपालले आजको खेलमा सात जना बलर प्रयोग गरेको थियो ।

प्रतियोगिताको समूह ए मा रहेको नेपालले यसअघि नेपालले पहिलो खेल घरेलु टोली जिम्बाव्वेसँग ८ विकेटले हाराएको थियो भने दोस्रो खेलमा अमेरिकालाई ६ विकेटले पराजित गरेको थियो ।

आउँदो अक्टोबर–नोभेम्बरमा भारतमा हुने एकदिवसीय विश्वकप खेल्ने अवसरको आशा कायम राख्न नेपालले यो समूहमा शीर्ष तीनभित्र रहेर सुपर सिक्समा पुग्नुपर्छ ।