काठमाडौं । त्रिभुवन विश्वविद्यालयका उपप्राध्यापक प्रेम चलाउनेले आफ्नो अनशन तोडेका छन् ।
उनी पाँच दिनयता त्रिभुवन विश्वविद्यालयको उपकुलपति कार्यालय अगाडि अनशनरत थिए । अनशन स्थगितबारे जानकारी दिन आज उनले दिउँसो एक बजे पत्रकार सम्मेलन गर्दैछन् ।
आफूँमाथि संघातिक आक्रमण गर्ने नेविसंघका कार्यकर्ताहरु विरुद्धको मुद्दा सरकारले फिर्ता लिने निर्णय गरेपछि चलाउने उक्त निर्णयको विरोधमा अनशनमा बसेका थिए ।
हिजो (विहीबार) सर्वोच्च अदालतले चलाउनेलाई आक्रमण गर्नेहरु विरुद्धको मुद्दा फिर्ता लिने निर्णय कार्यान्वयन नगर्नु भनेर अन्तरिम आदेश जारी गरेको थियो ।