काठमाडौं । राष्ट्रपति रामचन्द्र पौडेलले बजेटसम्बन्धी तीनवटा विधेयकलाई आज प्रमाणीकरण गरेका छन्।
ती विधेयकमा विनियोजन विधेयक, २०८०, आर्थिक विधेयक २०८० र राष्ट्र ऋण उठाउने विधेयक २०८० रहेका छन् ।
सङ्घीय संसदबाट पारित भई नेपालको संविधानअनुसार प्रमाणीकरणका लागि पेश गरिएका विधेयकलाई प्रमाणीकरण गरेका जानकारी प्रवक्ता शैलजा रेग्मी भट्टराईले दिइन् ।
राष्ट्रपतिबाट ती विधेयक प्रमाणीकरण भएसँगै साउन १ गतेबाट नयाँ आर्थिक वर्षको बजेटबाट खर्च गर्नका लागि सरकारलाई बाटो खुलेको छ ।