सुनौलो नेपाल
काठमाडौं । नेपाल सरकारका परराष्ट्रमन्त्री एनपी साउद र उनका भारतीय समकक्षी एस जयशंकरबीच थाइल्यान्डको बैंककमा सोमबार दिपक्षीय भेटवार्ता भएको छ ।
बहुक्षेत्रीय प्राविधिक तथा आर्थिक सहयोगका लागि बंगाल खाडीको प्रयास (बिम्स्टेक) सदस्य मुलुकका विदेशमन्त्रीहरूको बैठकमा सहभागी हुने क्रममा दुई समकक्षीबीच भेटवार्ता भएको हो ।
बैंककमा बिम्स्टेकका विदेशमन्त्रीहरूको दुईदिने बैठकका क्रममा भएको ‘साइडलाइन’ वार्ता उपलब्धिमूलक भएको दुवै पक्षले बताएका छन् ।
भारतीय विदेशमन्त्री एस जयशंकरले नेपाली समकक्षीसँगको वार्तालाई ‘फलदायी’ जनाएका छन् ।
जयशंकरले भनेका छन् –‘नेपालका विदेशमन्त्री नारायणप्रकाश (एनपी) साउदसँग राम्रो भेटवार्ता भएको छ । हाम्रो नेतृत्वद्वारा निर्धारित सहयोगका एजेन्डा लागु गर्न मिलेर काम गर्ने कुरामा हामीले सहमति जनाएका छौँ ।,’
भेटवार्तापछि उनले नेपालसँग आपसी हितका विषयमा निरन्तर संवादमार्फत समझदारी गरेर अघि बढ्ने तयारी गर्ने बताए ।
सुनाैलाे नेपाल
सुनौलो नेपाल अनलाइन प्रा. लि.
अनामनगर काठमाडौँ, नेपाल
सूचना विभाग दर्ता नम्बर: ५४३/०७४-७५
सम्पर्क : ०१- ४१०२६६४
विज्ञापनका लागि : ९८५१४२००७७, ९८५१४०३८९९
सम्पर्क : ०१- ४१०२६६४
समाचारको लागी इमेल :
[email protected]
विज्ञापनका लागि इमेल :
[email protected]
मोहराज पौडेल
अध्यक्ष / प्रबन्ध निर्देशक
बाबुराम खड्का
प्रधान सम्पादक
