काठमाडौं । अहिलेसम्मकै सबैभन्दा ठूलो फिफा महिला विश्वकप फुटबल प्रतियोगिता आजदेखि सुरु हुँदै छ ।

अस्ट्रेलिया र न्युजिल्याण्डले संयुक्त रुपमा आयोजना गरेको यस विश्वककमा हालसम्मकै सबैभन्दा धेरै ३२ राष्ट्र सहभागी हुँदैछ । महिला विश्वकपको यो नवौँ संस्करण हो ।

पहिलो पटक ३२ टिम सहभागी बनेको यस विश्वकप पहिलो पटक दुई देशले आयोजना गर्दैछन् । साविक विजेता समेत रहेको अमेरिका प्रतियोगिताको उपाधि दाबेदारको रुपमा छ र लगातार तीन पटक उपाधि जित्दै उपाधि संख्या ५ पुर्‍याउने रणनीतिमा छ ।

अमेरिकाले सर्वाधिक चार पटक, जर्मनीले दुई तथा नर्वे र जापानले समान एक पटक उपाधि चुमेका छन् ।

पछिल्लो पटक २०११ मा एसियन राष्ट्र जापान च्याम्पियन बनेको थियो त्यसपछि २०१५ र २०२१ मा अमेरिकाले विश्वकप उपाधि हात पारेको थियो । पहिलो दिन महिला विश्वकपको दुई खेल हुँदैछन् ।

जसमा समुअ ए मा रहेको न्युजिल्याण्ड र नर्वेबीच उद्घाटन खेल हुनेछ । यस खेल अकल्याण्डस्थित एडेन पार्कमा नेपाली समयअनुसार दिउँसो सवा १२ बजे सुरु हुनेछ ।

यस्तै, अर्को खेल समूह बी मा आयोजक अस्ट्रेलिया र रिपब्लिक अफ आयरल्याण्डबीच प्रतिस्पर्धा हुनेछ । यो खेल सिड्नीस्थति स्टेडियम अस्ट्रेलियामा नेपाली समय अनुसार दिउँसो पौने ४ बजे सुरु हुनेछ ।