काठमाडौं । काठमाडौं महानगरपालिकाका मेयर बालेन्द्र शाह (बालेन) ले कामका कारण जति चर्चामा छन् त्यो भन्दा कम छैनन् सामाजिक सञ्जालमा राख्ने पोष्टले त्यो भन्दा बढी चर्चापरिचर्चामा आइरहन्छन् नै ।

कहिले राजनीतिक दलहरूलाई आक्षेप लागाउँछन्। कहिले न्यायालयलाई । आफूविरुद्ध आएका हरेक खाले टिकाटिप्पणी र प्रतिक्रियामाथि जवाफ उनले सामाजिक सञ्जालबाट नदिई छाड्दैनन् ।

यद्यपि, उनले शनिबार भने कविता लेखेका छन्-

भन्नलाई संसारकै सजिलो ,
हुनलाई एक्दमै गाह्रो ,
देखाउन एक्दमै सजिलो ,
देखिन साह्रैनै गाह्रो ,
सबै धर्म भन्दा ठुलो, सबै जात भन्दा माथी ,
सबै कर्म भन्दा ठुलो , हरेक आँट भन्दा माथी ,
मृत्यु हरेक दिन, धान्न सबल छौ के त ?
एउटै मात्र छ प्रश्न ,असल छौ के त ?

कविता सामाजिक सञ्जालमार्फत धरानका मेयर हर्क साम्पाङकाे धर्म विवादमा चर्किरहेकै बेला आएको धर्मसम्बन्धी भाव बाेकेकाे बालेकाे कविता  पुनःचर्चाको विषय बन्ने देखिन्छ ।