सुनौलो नेपाल
विराटनगर । बर्खायाम लागेसँगै प्रकोपकै रुपमा फैलिएको डेङ्गु रोगका कारण धरानमा ८ जनाले ज्यान गुमाएका छन्। अहिलेसम्म २ हजार तीन सय ५३ जनामा डेङ्गु पोजेटिभ भएको पाइएको छ ।
धरान उपमहानगरपालिकाका जनस्वास्थ्य अधिकृत उमेश मेहताले ३ हजार ९८१ जनाको स्वास्थ्य परीक्षणका क्रममा २ हजार ३५३ जना डेङ्गु सङ्क्रमित देखिएको पुष्टि गरे ।
परीक्षण गरिएका मध्ये ५९ प्रतिशतमा डेंगु देखिएको हो । यस्तै, धरानको ११, १५, १७ र १८ नम्बर वडामा डेंगुको प्रभाव उच्च देखिएको छ ।
संक्रमण बढ्दै गएपछि बिपी कोइराला स्वास्थ्य विज्ञान प्रतिष्ठान धरानमा १ सय ५० जनासम्मलाई अटाउने गरी डेंगुको छुट्टै वार्ड सञ्चालन भएको छ। विपिमा डेङ्गुका लागि छुट्टै क्लनिक समेत सञ्चालनमा ल्याइएको छ ।
डेङ्गु नियन्त्रणका लागि धरानमा ‘सर्च एण्ड डिस्ट्रोय’ अभियान सञ्चालन गरिरहेको उनले जानकारी दिए । धरानमा २४० वटै टोल विकास संस्थालाई समेत डेङ्गु नियन्त्रण अभियानमा जोडिएको छ ।
सुनाैलाे नेपाल
सुनौलो नेपाल अनलाइन प्रा. लि.
अनामनगर काठमाडौँ, नेपाल
सूचना विभाग दर्ता नम्बर: ५४३/०७४-७५
सम्पर्क : ०१- ४१०२६६४
सम्पर्क : ०१- ४१०२६६४
समाचारको लागी इमेल :
[email protected]
विज्ञापनका लागि इमेल :
[email protected]
मोहराज पौडेल
अध्यक्ष / प्रबन्ध निर्देशक
बाबुराम खड्का
प्रधान सम्पादक
