काठमाडाैँ । जीएम मुभिजको ब्यानरमा चलचित्र ‘घर ज्वाईं’ बन्ने भएको छ।
माघबाट सुरु हुने फिल्मको सुटिङकाे सबै तयारी पुरा भएको निर्माता जनक घर्ति मगरले जानकारी दिए । फिल्म माघ तेश्रो साताबाट रुकुममा छायाँकन हुने छ ।
निर्माता घर्ति मगरका अनुसार फिल्मलाई अनिल बुढामगरले निर्देशन गर्नेछन् भने दयाहाङ राई , मिरुना मगर, बुद्धि तामाङ, पुष्कर गुरुङ , शिशिर वाङ्देल, राज थापा काउचा आदि कलाकारको अभिनय रहने छ । चलचित्रलाई आरआर फिल्म्सले वितरण गर्ने सम्झौता भएको निर्माता घर्ति मगरले जानकारी दिए ।
पछिल्लो समय नेपाली चलचित्र उद्याेगमा दर्शकले अत्याधिक रुचाएको दया र मिरुनाको जोडीलाई लिएर फिल्म बनाउन लागिएको हो ।
दयाहाङ राई पछिल्लो समयमा निर्माता निर्देशकहरुको खोजिमा पर्ने सुपरस्टार हुन् भने दया र मिरुना अभिनित चलचित्रहरु व्यवासयिक रुपमा सफल हुदै आएका छन् ।