काठमाडौं। सत्तारूढ नेपाली कांग्रेसका सभापति शेरबहादुर देउवाले सदनको गतिरोध अन्त्यका लागि एमाले अध्यक्ष केपी शर्मा ओलीसँग भेटवार्ता गर्ने भएका छन् ।
सुन तस्करी प्रकरणमा उच्चस्तरीय न्यायिक छानबिन समितिको माग अघि सार्दै एमालेले सदन अवरुद्ध पार्दै आएको छ ।
तर, सत्ता पक्षले भने अनुसन्धान गर्ने निकायले स्वतन्त्र ढंगले अनुसन्धान गरिरहेको भन्दै अहिले अर्को समिति बनाएर विषयवस्तुलाई अन्यत्र मोडेजस्तो हुने भएकाले न्यायिक छानबिन समिति नबनाउने अडानमा रहेको छ ।
सत्ता गठबन्धनको हिजो र आज बसेका लगातार दुई दिनका बैठकमा पनि सदनको अवरोध खुलाउन प्रमुख प्रतिपक्षी एमाले तयार हुनुपर्ने निष्कर्ष निकालेको थियो ।