काठमाडौँ । नेकपा (एकीकृत समाजवादी) ले मेची महाकाली जागरण अभियान चलाउने भएको छ ।
शनिबार झापाको काँकडभिट्टाबाट सुरु हुने उक्त अभियान २७ असोजमा कञ्चनपुरमा पुगेर सकिने जनाइएको छ । अभियानका क्रममा ठाउँठाउँमा साना ठूला सभा गर्ने र आफ्ना एजेण्डाहरु जनतालाई सुनाउने एकीकृत समाजवादीले जनाएको छ ।
आगामी माघ १४ देखि १८ गतेसम्म महाधिवेशन गर्ने तय गरेको जानकारी दिँदै एकीकृत समाजवादीका महासचिव घनश्याम भूसालले भने, ‘समृद्धि र समाजवादको आजको कार्यक्रम के हुनसक्छ भनेर बताउने, जनताको सुझाव लिएर अझ स्प्रष्टताका साथ आउन पहलकदमी लिएका छौँ ।’