चैत १ गतेबाट हुन लागेको एभरेस्ट प्रिमियर लिग (इपीएल) स्थगित

सुनौलो नेपाल
बिहिबार, २२ फाल्गुन २०७६

1.9K

फागुन २२ काठमाडौं: कोरोनाभाइरसले महामारीको रुप लिइरहेको बेला यसको प्रभाव नेपालमा पनि व्यापक रुपमा परेको छ। यसैको संक्रमणको खतरालाई मध्यनजर गर्दै यहि चैत १ गतेबाट हुन लागेको एभरेस्ट प्रिमियर लिग (इपीएल) स्थगित गरिएको छ।

इपियल आयोजना गर्दा धेरै संख्यामा दर्शकहरु उपस्थित हुने र भाइरसको संक्रमण फैलिन सक्ने विषयलाई बुझ्दै सरकार र सरोकारवालासँग छलफल गरेर यसपटकको इपिएल स्थगित गरिएको इपियलका कार्यकारी निर्देशक अमिर अख्तरले बताए।

कोरोना भाइरसको त्रासका कारण इपीएल आयोजकले एक महिनाका लागि प्रतियोगिता सार्ने निर्णय गरेको हो ।

यो नेपालको पहिलो र ठूलो मध्येको एक क्रिकेट प्रतियोगिता हो।

कोरे एण्डरसन, क्रिस गेलसहित विश्वका चर्चित खेलाडीहरु यसपटक खेल्न लागेका कारण ईपीएल बहुप्रतिक्षित बनेको थियो। प्रतियोगिता सुरु हुने अर्को मिति भने तोकिएको छैन।