सुनौलो नेपाल
बैतडी । बैतडीको डिलाशैनी गाउँपालिका–७ धामीगाउँमा कोदालो प्रहारबाट एक जनाको मृत्यु भएको छ । बिहीबार बिहान स्थानीय ६२ वर्षीया कृष्ण धामीले गरेको कोदालो प्रहारका कारण तीन जनालाई गम्भीर घाइते भएका थिए ।
स्थानीय स्वास्थ्य चौकीमा उपचारका लागि लैजाँदा उनकी श्रीमती ५६ वर्षीया पार्वती धामीको मृत्यु भएको स्थानीयले बताएका छन् । स्थानीय रामसिह धामीका अनुसार कृष्णको कोदालो प्रहारबाट गाउँपालिकाको उद्यम शाखामा कार्यरत दशरथचन्द नगरपालिका–९ का २९ सुभाष कलौनी र डिलाशैनी गाउँपालिकामा कार्यालय सहयोगी २६ वर्षीय देवराज भट्ट गम्भीर घाइते भएका छन् ।
घाइते दुवै जनालाई नेपाली सेनाको हेलिकोप्टरबाट थप उपचारका लागि जिल्लाबाहिर लगिएको स्थानीयको भनाइ छ । गम्भीर देवराजको अवस्था चिन्ताजनक छ ।
प्रहरीका अनुसार कोदालो प्रहार गर्ने धामीलाई प्रहरीले नियन्त्रणमा लिएको छ । घटनाको कारण खुलेको छैन । घटनाको अनुसन्धान भइरहेको प्रहरीले जनाएको छ ।
सुनाैलाे नेपाल
सुनौलो नेपाल अनलाइन प्रा. लि.
अनामनगर काठमाडौँ, नेपाल
सूचना विभाग दर्ता नम्बर: ५४३/०७४-७५
सम्पर्क : ०१- ४१०२६६४
विज्ञापनका लागि : ९८५१४२००७७, ९८५१४०३८९९
सम्पर्क : ०१- ४१०२६६४
समाचारको लागी इमेल :
[email protected]
विज्ञापनका लागि इमेल :
[email protected]
मोहराज पौडेल
अध्यक्ष / प्रबन्ध निर्देशक
बाबुराम खड्का
प्रधान सम्पादक
