काठमाडौँ । गोरखा नगरपालिका–३, नारेश्वरका ५७ वर्षीय एक पुरुषको मलद्वारमा एक महिनादेखि अड्किएको किटनाशक औषधिको बोतल निकालिएको छ ।

उनको शल्यक्रिया गरेर निकालिएको गण्डकी प्रदेश स्वास्थ्य निर्देशनालयले जनाएको छ । बोतल अड्किएर ठूलो आन्द्रा अवरुद्ध भएर यसको संक्रमण शरीरमा फैलिएपछि अस्पतालको इमर्जेन्सीमा भर्ना भएका थिए ।

एक्सरे गर्दा मलद्वारमा बोतल देखिएपछि दूरबिनबाट आन्द्राको अन्य भागमा संक्रमण नफैलिएको पत्ता लागेपछि अस्पतालका सर्जनद्वय डाक्टर जितेन्द्रकुमार सिंह र डाक्टर विश्वराज खड्का, एनेस्थेसियोलोजिष्ट डाक्टर शम्भु अधिकारीलगायतका टीमले करिब ३ घन्टाको शल्यक्रिया गरेर मलद्वारबाट बोतल निकालिएको जनाइएको छ ।

शल्यक्रियापछि बिरामीको होस आइसकेको र आईसीयू कक्षमा उपचार भैरहेको स्वास्थ्य निर्देशनालयले जनाएको छ ।