काठमाडौँ । सुदूरपश्चिम प्रदेशको अस्थायी राजधानी कैलालीको धनगढीमा रहेको मायामेट्रो अस्पतालमा बझाङकी ४२ वर्षीया बाटुली धामीकोे मृत्यु भएको छ ।

आज (मंगलबार) बिहान ५ बजेको समयमा अस्पतालमा उपचाररत निज बिरामी धामीको उपचारका क्रममा मृत्यु भएको थियो । पाठेघरको समस्या देखिएर १० गते अस्पताल भर्ना भएकी उनको अपरेसनपछि मृत्यु भएको बताइएको छ ।

उनका आफन्तले चिकित्सकको लापरबाहीका कारण मृत्यु भएको आरोप लगाएका छन् । अस्पतालमा तनाब उत्पन्न भएको छ । अहिले अस्पतालमा प्रहरी परिचालन गरिएको बताइएको छ ।