काठमाडौँ । छिमेकी मुलुक चीनले १ मे २०२४ देखि नेपाली नागरिकबाट चिनियाँ भिसा शुल्क नलिने निर्णय गरेको छ ।
नेपालस्थित चिनियाँ दूतावासले चीनले नेपाली नागरिकलाई भिसा निःशुल्क गर्ने निर्णय गरेको जनाएको छ । नेपालका लागि चिनियाँ राजदूत छन सङले दुई देशबीचको सम्बन्धलाई प्रवद्धन गर्न र सेवालाई थप सहज बनाउन यस्तो निर्णय लिइएको जानकारी दिए ।
उनका अनुसार एक्सप्रेस शुल्क र सेवा शुल्क भने लिइने छ । उपप्रधानमन्त्री तथा परराष्ट्रमन्त्री नारायणकाजी श्रेष्ठले हालै गरेको चीन भ्रमणको क्रममा नेपालीलाई भिसा निःशुल्क गर्न चिनियाँ पक्षलाई आग्रह गरेका बताइएको छ ।