काठमाडौँ । इलाम २ को उपनिर्वाचनको मतगणना जारी रहँदा अहिले नेकपा (एमाले) का सुहाङ नेम्वाङले अग्रता लिएका छन् । फाकफोकथुम गाउँपालिकाको वडा नम्बर ४ को मतगणना गर्दा सुहाङ नेम्वाङले अग्रता लिएका हुन् ।
वडा नं १,२ र ३ नम्बरमा कांग्रेसका डम्बरले लिएको अग्रता रोक्दै सुहाङ अगाडि बढेका छन् । वडा नम्बर ४ को समेत गणना सकिँदा एमालेको २५४२ मत पाएको छ भने कांग्रेसले २१९७ मत पाएको छ ।
यसैगरी स्वतन्त्र उम्मेदवार डाकेन्द्र थेगिमले ५९३ र रास्वपाका मिलन लिम्बुले ३७९ मत पाएका छन् । कुल ४२ मध्ये ४ वटा वडाको मतगणना सम्पन्न भएको छ ।
फाकफोकथुम १,२,३,४ जम्मा वडाको ५ हजार ७७८ मत गणना भएको हो । अहिले फाकफोकथुमनको वडा नम्बर ५ को मतगणना जारी रहेको जनाइएको छ ।