काठमाडौँ । देशको प्रशासनिक केन्द्र सिंहदरबार स्थित गृह मन्त्रालय प्रवेशका लागि सोमबारदेखि अनलाइनबाट पास पाइने भएको छ ।
गृह मन्त्रालयले आइतबार एक सूचना जारी गर्दै सोमबारदेखि अनलाइनबाटै प्रवेश पास पाइने जनाएको छ ।
पहिले सिंहदरबारपास डट जीओभी डट एनपीमा जाने त्यसपछि क्यूआर कोडसहितको पास अनुरोध गर्नुपर्ने तथा मन्त्रालयबाट अनुरोध स्वीकृत भइसकेपछि मात्र ई–गेट पास जारी हुने मन्त्रालयका प्रवक्ता नारायणप्रसाद भट्टराईले जानकारी दिए ।