काठमाडौँ । नेकपा (एमाले) अध्यक्ष केपी शर्मा ओली आज इलाम २ प्रतिनिधि सभा सदस्य उपनिर्वाचनमा निर्वाचित सुहाङ नेम्वाङको विजय सभामा सहभागी हुन इलाम जाने भएका छन् ।
आज दिउँसो इलाम बजारमा नेकपा एमालेले आयोजना गर्न लागेको विजय सभालाई सम्बोधन गर्न अध्यक्ष ओली इलाम जाने कार्यक्रम तय भएको सो पार्टीले जनाएको छ । नेम्वाङ २७ हजार ७७२ मतसहित इलाम २ मा निर्वाचित भएका छन् ।
उनका निकटतम प्रतिस्पर्धी नेपाली कांग्रेसका डम्बरबहादुर खड्काले २१ हजार ९ सय ४२ मत पाएका छन् । स्वतन्त्र उम्मेदवार डकेन्द्रसिंह लिम्बू तेस्रो भएका छन भने रास्वपाका मिलन लिम्बुले भने जमानत जफत भएको छ ।