सुनौलो नेपाल
काठमाडौँ । नेपाल विरूद्धको तेस्रो टी २० खेलमा वेस्ट इन्डिज ‘ए’ ले १० ओभरमा १ विकेटको क्षतिमा १०९ रन जोडेको छ।
कीर्तिपुरस्थित त्रिवि मैदानमा टस जितेर पहिले ब्याटिङ गरेको वेस्ट इन्डिजका लागि जोनसन चार्ल्सले नटआउट ६८ रन र आन्द्रे फ्लेचरले नटआउट २२ रन बनाएर खेलिरहेका छन्।
चार्ल्सले ३३ बलमा ७ चौका र ५ छक्का प्रहार गरिसकेका छन्। वेस्ट इन्डिजका ओपनर एलिक एथानाज भने चौथो ओभरको पहिलो बलमा रनआउट भए। उनी १७ रन बनाएर खेलिरहदा अनिल साहको थ्रोमा बलर कमलसिंह ऐरीले रनआउट गरे।
ननस्ट्राइकमा रहेका उनी चार्ल्सले रनका लागि कुनै संकेत नदिँदा रनआउट भएका थिए। पाँच खेलको सिरिज १\१ को बराबरीमा छ। पहिलो खेलमा नेपाल र दोस्रो खेलमा वेस्ट इन्डिज विजयी भएका थिए। नेपालले टी २० विश्वकपको तयारीका लागि वेस्ट इन्डिजसँग सिरिज खेलेको हो।
शनिबार सिरिज सकिएपछि नेपाल तयारीका लागि वेस्ट इन्डिज जानेछ।
सुनाैलाे नेपाल
सुनौलो नेपाल अनलाइन प्रा. लि.
अनामनगर काठमाडौँ, नेपाल
सूचना विभाग दर्ता नम्बर: ५४३/०७४-७५
सम्पर्क : ०१- ४१०२६६४
सम्पर्क : ०१- ४१०२६६४
समाचारको लागी इमेल :
[email protected]
विज्ञापनका लागि इमेल :
[email protected]
मोहराज पौडेल
अध्यक्ष / प्रबन्ध निर्देशक
बाबुराम खड्का
प्रधान सम्पादक
