काठमाडौँ । प्रधानमन्त्री पुष्पकमल दाहाल प्रचण्ड र नेकपा एमाले अध्यक्ष केपी शर्मा ओलीबीच भेटवार्ता भएको छ ।
सिंहदरबारस्थित प्रधानमन्त्रीको कार्यालयमा आज बिहान प्रधानमन्त्री प्रचण्ड तथा अध्यक्ष ओलीबीच भेटवार्ता भएको हो ।
आजको भेटवार्तामा उपनिर्वाचनको समीक्षा र समसामयिक विषयमा छलफल भएको प्रधानमन्त्रीको सचिवालयले जनाएको छ ।
यसैगरी उक्त भेटवार्तामा गठबन्धनमा नेकपा (एकीकृत समाजवादी) का अध्यक्ष माधव नेपालको असन्तुष्टि र प्रदेश सरकारबारे पनि छलफल भएको बताईएको छ ।