काठमाडौँ । नेपाली कांग्रेसका नेता डा. शेखर कोइरालाले सहकारीको रकम अपचलन प्रकरणमा मुछिएका उपप्रधान एवं गृहमन्त्री रवि लामिछानेमाथि छानबिन गर्न संसदीय समिति नबनाइएसम्म संसद् बैठक चल्न नदिने बताएका हुन् ।
बाँकेको कोहलपुरमा आज आयोजित पार्टीको कार्यक्रममा उनले लामिछानेमाथि छानबिन गर्न संसदीय समिति बनाइनुपर्नेमा तर आफूहरुले गृहमन्त्रीको राजीनामा नमागेको बताए ।
उनले भने, “संसदीय समिति बनाउन सरकार किन डराएको ? हामीले गृहमन्त्रीको राजीनामा मागेका होइनौँ, संसदीय छानबिन बनाऔँ ।”
वैशाख २८ गते संघीय संसद्का दुवै सदनको बैठक आह्वान गरिएको छ । गएको अधिवेशनका पछिल्ला बैठक सोही मागसहित कांग्रेस सांसदले अवरुद्ध गरेका थिए ।