सुनौलो नेपाल
काठमाडौँ । उपप्रधानमन्त्री तथा गृहमन्त्री रवि लामिछानेले सातै प्रदेशले एयर एम्बुलेन्सको अवधारणा बनाउनुपर्ने बताएका छन् ।
आज राष्ट्रियसभा अन्तर्गतको संघीयता सबलीकरण तथा राष्ट्रिय सरोकार समितिको बैठकमा बोल्दै उनले विपद्मा परेका नागरिकहरुको जीवन बचाउन सातै प्रदेशमा एयर एम्बुलेन्स जरुरी रहेको बताए ।
उनले भने, “विपद्मा परेका नागरिकहरुको जीवन बचाउन एयर एम्बुलेन्स जरुरी छ, सातै प्रदेशले एयर एम्बुलेन्सको अवधारणा बनाउनुपर्ने छ ।”
यसैगरी मन्त्री लामिछानेले इच्छाशक्ति भएमा बजेट व्यवस्थापन हुनसक्ने भन्दै विपद् व्यवस्थापनका लागि आवश्यक उपकरणको जोहो गर्नुपर्ने बताए । विपद्बाट नागरिकको जीवन बचाउने कुरालाई राष्ट्रिय प्राथमिकताको विषय बनाउनुपर्नेमा जोड दिए ।
गृहमन्त्री लामिछानेले देशभरका दमकलहरुलाई एकीकृत रुपमा सञ्चालन गर्नेगरी अभ्यास गरिरहेको बताए । देशैभरी विभिन्न कार्यविधि र निर्देशन अनुरुप चलिरहेका एम्बुलेन्सहरुलाई पनि एकीकृत प्रणालीमा ल्याएर सञ्चालन गर्नुपर्ने उनको भनाई छ ।
सुनाैलाे नेपाल
सुनौलो नेपाल अनलाइन प्रा. लि.
अनामनगर काठमाडौँ, नेपाल
सूचना विभाग दर्ता नम्बर: ५४३/०७४-७५
सम्पर्क : ०१- ४१०२६६४
सम्पर्क : ०१- ४१०२६६४
समाचारको लागी इमेल :
[email protected]
विज्ञापनका लागि इमेल :
[email protected]
मोहराज पौडेल
अध्यक्ष / प्रबन्ध निर्देशक
बाबुराम खड्का
प्रधान सम्पादक
