काठमाडौँ । राष्ट्रपति रामचन्द्र पौडेलले खाद्य स्वच्छता तथा गुणस्तरसम्बन्धी कानुनलाई संशोधन र एकीकरण गर्न बनेको विधेयक आज प्रमाणीकरण गरेका छन् ।
संघीय संसद्का दुवै सदनको बैठकबाट पारित भई उक्त विधेयक प्रमाणीकरणका निम्ति राष्ट्रपतिसमक्ष पेस गरिएको थियो ।
राष्ट्रपति पौडेलले नेपालको संविधानको धारा ११३ को उपधारा २ बमोजिम विधेयक प्रमाणीकरण गरेका राष्ट्रपतिको कार्यालयका प्रवक्ता एवं सहसचिव शैलेजा रेग्मी भट्टराईले जानकारी दिइन् ।