काठमाडौँ । जनता समाजवादी पार्टी फुटेको छ । अशोक राईले नेतृत्व गरेको जनता समाजवादी पार्टीले आइतबार ३० सदस्य कार्यसमिति गठन गरेको छ । राईको अध्यक्षतामा काठमाडौंको खुसिबुँमा भएको बैठकले नयाँ दल गठन गरेको हो।
आज बसेको उक्त बैठकले राईको नेतृत्वमा ३० सदस्यीय कार्यसमिति गठन गरेको हो । जस अनुसार पार्टीको संघीय परिषद्को अध्यक्षमा राजेन्द्र श्रेष्ठ चयन भएका छन् ।
यसैगरी रेणु यादवलाई सहअध्यक्ष रहेकी छिन् । नवलकिशोर साह, रणध्वज लिम्बु, परशुराम बस्नेत, सुशीला श्रेष्ठ उपाध्यक्षमा चयन भएका छन् ।
पार्टीको महासचिवमा इस्तियाक राईलाई चयन गरिएको छ । उपमहासचिवमा प्रदीप यादव, सचिवमा दीपक कार्की र रञ्जु ठाकुरलाई चयन गरिएको छ ।
कोषाध्यक्षको जिम्मेवारी डा. वीरेन्द्र महतोलाई तोकिएको छ ।