काठमाडौँ । रास्वपाका सभापतिसमेत रहेका उपप्रधान तथा गृहमन्त्री रवि लामिछानेलाई संसद्को रोष्टममा गएर बोल्दा कांग्रसले अवरोध नगर्ने भएको छ ।
लामिछानेलाई संसद्मा बोल्न दिन नेपाली कांग्रेस तयार भएको हो । भोली वैशाख २८ गतेबाट सुरु हुने बजेट अधिवेशनमा प्रमुख दलका शीर्ष नेताहरुलाई बोल्न दिने कार्यसूची छ ।
त्यसबेला रास्वपाका सभापतिसमेत रहेका लामिछानेलाई बोल्न अवरोध नगर्ने कांग्रेसले बताएको हो । सहकारी ठगी प्रकरणमा संसदीय छानबिन समितिको माग गर्दै कांग्रेसले गृहमन्त्री लामिछानेलाई संसद्मा बोल्न अवरोध गरेको थियो ।
गृहमन्त्री लामिछाने मुछिएको सहकारी ठगी प्रकरणमा प्रधानमन्त्री पुष्पकमल दाहाल ‘प्रचण्ड’ को धारणा सुनेर चित्त नबुझाएको कांग्रेसले संसदीय छानबिन समितिलाई बटमलाइन बनाएको थियो ।