जनता समाजवादी पार्टीले बिहीबार काठमाडौँमा योजना गरेको पत्रकार सम्मेलनमा अफ्नो नयाँ दर्ता भएको जसपा पार्टीका विषयमा पत्रकारहरुलाई जानकारी दिँदै पार्टी अध्यक्ष अशोक राई । तस्बिर : विमलबहादुर बिष्ट/रासस
काठमाडौँ । अशोक राई नेतृत्वको जनता समाजवादी पार्टीले ४६ दशमलब ६ प्रतिशत सांसद आफ्नो पक्षमा रहेको दाबी गरेको छ ।
आज काठमाडौँमा सो पार्टीले पत्रकार सम्मेलनको आयोजना गरी ४६ दशमलब ६ प्रतिशत सांसद आफ्नो पक्षमा रहेको जनाकारी दिएको हो ।
जसपा नेपाल नेतृत्वको अक्षमताका कारण एक रहिरहन नसकेको एवं पार्टीमा उपेन्द्र यादवले कसैको अस्तित्व स्वीकार नगरेका कारण अलग हुनु पर्ने अवस्था आएको अध्यक्ष अशोक राईले जानकारी दिए ।
उनले पार्टी फुट्नु रहर नभई बाध्यता भएको बताए । उनले भने, “अन्याय धेरै दिनसम्म सहन सकिन्न, निर्वाचन आयोगजस्तो संस्थाले सबै अध्ययन गरेर आफूहरुको दल दर्ता गरेको हो, उपेन्द्र जीलाई अदालतको बाटो खुला छ ।”