सुनौलो नेपाल
काठमाडौँ । भोली शुक्रबारदेखि सहकारी पीडित बचकर्ताहरुले पुनः आन्दोलन सुरु गर्ने भएका छन् ।
सरकारसँग विगतमा भएका सम्झौता कार्यान्वयन नभएको भन्दै उनीहरुले काठमाडौँको माइतीघर मण्डलामा पुनः तेस्रो चरणको आन्दोलन गर्ने घोषणा गरेका छन् ।
देशभरीका संकटग्रस्त सहकारी पीडित बचकर्तालाई संगठित गर्दै अगाडि बढेको सहकारी बचतकर्ता संरक्षण राष्ट्रिय अभियान महासंघले भोली शुक्रबारबाट आन्दोलन गर्ने घोषणा गरेको हो ।
सरकारले आफूहरुसँग विगतमा गरेका कुनै पनि सम्झौता कार्यान्वयन नगरेकाले तेस्रो चरणको आन्दोलनको घोषणा गर्नुपरेको महासंघका अध्यक्ष कुसलभ केसीले बताए । उनका अनुसार भोली शुक्रबार ११ बजेदेखि माइतीघर मण्डलाबाट सहकारी पीडितहरुले तेस्रो चरणको आन्दोलन सुरु गर्ने छन् ।
सहकारी पीडितहरुको माग पूरा नभएसम्म अब आन्दोलन देशैभरि सशक्त रुपमा अगाडि बढ्ने तथा नेपालगञ्ज, चितवन र धरानमा पनि आन्दोलन एकैपटक सुरु हुने उनको भनाई छ ।
सुनाैलाे नेपाल
सुनौलो नेपाल अनलाइन प्रा. लि.
अनामनगर काठमाडौँ, नेपाल
सूचना विभाग दर्ता नम्बर: ५४३/०७४-७५
सम्पर्क : ०१- ४१०२६६४
सम्पर्क : ०१- ४१०२६६४
समाचारको लागी इमेल :
[email protected]
विज्ञापनका लागि इमेल :
[email protected]
मोहराज पौडेल
अध्यक्ष / प्रबन्ध निर्देशक
बाबुराम खड्का
प्रधान सम्पादक
