एजेन्सी । विश्वका १४ औं धनी गौतम अदानीको सम्पत्ति १ खर्ब ६ अर्ब डलर छ । उनी भारतका दोस्रो धनी व्यक्ति हुन् । यति धेरै सम्पत्ति भएका गौतम अदानीको तलव कति होला ? भन्ने प्रश्न उठ्छ । तर, खुद सम्पत्तिको तुलनामा उनको तलव धेरै कम छ ।

गत मार्चमा समाप्त भएको एक आर्थिक वर्षमा गौतमले कूल ९ करोड २६ लाख भारु तलब बुझेका थिए । जुन उनको यो तलव अधिकांश भारतीय कम्पनीको प्रमुख कार्यकारी अधिकृत (सिइओ) हरुको भन्दा धेरै कम हो । ६१ वर्षिय अदानीले आफ्नो पोर्ट टू एनर्जी समूहका १० मध्ये दुई कम्पनीबाट मात्र तलब बुझेको वार्षिक प्रतिवेदनले देखाएको छ ।

समूहको प्रमुख फर्म अदानी इन्टरप्राइजेज लिमिटेडबाट आर्थिक वर्ष ०२३/२४ का लागि उनले २.१९ करोड रुपैयाँ तलब र २७ लाख रुपैयाँको सुविधा, भत्ता र अन्य सुविधाहरू समावेश थिए । एइएलको ०२३/२४ को वार्षिक प्रतिवेदनअनुसार कूल पारिश्रमिक २.४६ करोड भारु छ । अघिल्लो आर्थिक वर्षको तुलनामा ३ प्रतिशत बढी थियो । यसबाहेक, उनले अदानी पोट्र्स एण्ड सेज लिमिटेड (एपिएसईजेड) बाट ६.८ करोड भारु निकालेका थिए ।

अडानीको तलब भारतका लगभग सबै ठूला परिवारको स्वामित्वमा रहेका समूहका प्रमुखभन्दा धेरै कम छ । जबकि सबैभन्दा धनी भारतीय, मुकेश अम्बानीले कोभिड–१९ फैलिएदेखि आफ्नो सम्पूर्ण पारिश्रमिक छोड्दै आएका छन् । उनले आफ्नो पारिश्रमिक मासिक १५ करोड भारुमा सीमित गरेका थिए ।

अदानीको पारिश्रमिक टेलिकम जार सुनील भारती मित्तलको भन्दा कम छ । राजीव बजाजको ५३.७ करोड, पवन मुञ्जालको ८० करोड, एल एन्ड टीका अध्यक्ष एसएन सुब्रह्मण्यन र इन्फोसिस सिइओ सलिल एस पारेख ब्लूमबर्ग बिलियनेयर इन्डेक्सका अनुसार १ खर्ब ६ अर्ब अर्ब डलरको अदानी एसियाकै सबैभन्दा धनी व्यक्तिको स्थानका लागि मुकेश अम्बानीलाई टक्कर दिइरहेका छन् ।

उनी २०२२ मा सबैभन्दा धनी एसियाली बने, तर अमेरिकी सर्टसेलर हिन्डनबर्ग रिसर्चले गत वर्ष सबैभन्दा कम बिन्दुमा उनको समूह स्टकको बजार मूल्य लगभग १ खर्ब ५० अर्ब डलर नष्ट गरेपछि त्यो स्थान गुमाएका थिए । उनले यस वर्ष दुई पटक शीर्ष स्थान हासिल गरे तर फेरि अम्बानीलाई स्थान दिए ।

अम्बानी १ खर्ब ११ अर्ब अमेरिकी डलरको नेटवर्थका साथ विश्वको धनी सूचीमा १२ औं स्थानमा छन् । अदानी १४ औं स्थानमा छ । अदानीको कान्छो भाइ राजेशले एईएलबाट नाफामा ४.७१ करोड कमिसन सहित ८.३७ करोड रुपैयाँ पाए भने उनका भतिजा प्रणव अदानीले ६.४६ करोड रुपैयाँ कमाए । जसमा ४.५ करोड भारु कमिसन पनि समावेश भएको वार्षिक प्रतिवेदनले देखाएको छ ।

गौतम अदानीले एइएलबाट कुनै कमिसन लिएनन् तर एपसेजबाट ५ करोड रुपैयाँ पाएका थिए । एपिसेजको पारिश्रमिकमा १.८ करोड भारु तलब र छ करोड कमिसन समावेश छ । जुन चालू आर्थिक वर्ष ०२४/२५ आर्थिक वर्षमा भुक्तानी हुने कम्पनीको वार्षिक प्रतिवेदनमा भनिएको छ ।

उनका छोरा करणले एपिसेजबाट ३.९ करोड भारु तलव पाए । गौतम अडानीका भाइ, भतिजा र छोराले एकभन्दा बढी कम्पनीबाट तलब लिएका छैनन् । एईएल बोर्डका प्रमुख कार्यकारी र निर्देशक विनय प्रकाशले कुल पारिश्रमिक ८९.३७ करोड भारु प्राप्त गरे ।

समूहको नवीकरणीय ऊर्जा फर्म, अदानी ग्रीन एनर्जी लिमिटेडका सिइओ विनीत एस जैनलाई १५.२५ करोड भारु र अदानी टोटल ग्यास लिमिटेड (एटीजीएल) का सिइओ सुरेश पी मंगलानीले ६.८८ करोड भारु कमाए । अदानी विलमरका सिइओ अंगशु मल्लिकले ५.१५ करोड भारु पाएका छन् ।

अदानी पावरका सिइओ एसबी खयालियाले ५.६३ करोड भारु पाएका छन् । अदानी ग्रुपले कर्मचारीहरूको तलव औसत १२ प्रतिशत बढाएको छ । (द इकोनमिक टाइम्सको सहयोगमा )