एजेन्सी । वेस्ट बैंकमा इजरायली सेनाको कारबाहीमा दश प्यालेस्टाइनीको मृत्यु हुनुका साथै अन्य धेरै घाइते भएको प्यालेस्टाइनी स्वास्थ्य मन्त्रालयले बताएको छ । मङ्गलवार उत्तरी वेस्ट बैंकको जेनिनमा इजरायली बम विष्फोटमा पाँच जनाको मृत्यु भएको रमाल्लाहस्थित स्वास्थ्य मन्त्रालयले जनाएको हो ।

प्यालेस्टिनी रेड क्रिसेन्ट सोसाइटीले इजरायली सेनाले चालक दललाई बम विष्फोटस्थलमा पुग्नबाट रोकेको थियो र एम्बुलेन्सहरूलाई सवारीसाधनमा पुग्न अनुमति दिनुअघि नै गोली चलाएको थियो । बेथलेहेमको पश्चिममा एउटा चेकपोस्ट नजिकै इजरायली सेनाको गोली लागेर प्यालेस्टिनी युवाको मृत्यु भएको थियो ।

प्यालेस्टाइनी सुरक्षा स्रोतका अनुसार इजरायली पक्षले त्यहाँ एक महिला सैनिक विरुद्ध छुरा प्रहार गरेको बताएको छ । मारिनेमा एक १४ वर्षीय, दुई १९ वर्षीय र एक ३६ वर्षीय भएको मन्त्रालयले जनाएको छ ।

इजरायली सेनाले अकाबा शहरमा आक्रमण गरी एउटा घर घेरेको प्यालेस्टिनी सुरक्षा बलले बताएको छ । यसैबीच प्रत्यक्षदर्शीहरूले स्थानीय मानिसहरू र सेनाबीच झडप भएको जानकारी दिए । जसले जवाफी फायरिङ भएको थियो ।