सुनौलो नेपाल
काठमाडौं । नेपाली कांग्रेसका उपसभापति धनराज गुरुङसँग नेपाल प्रहरीको केन्द्रीय अनुसन्धान ब्यूरो (सिआइबी) ले बयान लिएको छ । गुरुङसँग सिआइबीले सहकारीको रकम अपचलनका सम्बन्धमा बयान लिएको हो ।
गुरुङलाई सिआईबीमा बोलाएर बुधबार कागजी बयान लिइएको हो ।
सिआइबीका प्रवक्ता तथा एसपी होबिन्द्र बोगटीले कांग्रेस उपसभापति गुरुङसँग बुधबार पाँच घण्टा बयान लिएको बताए।
सिआइबीले मितेरी वचत तथा ऋण सहकारीको १४ करोड रुपैयाँ हिनामिनाको आरोपमा कागजी बयान गराएको छ। प्रहरीले गुरुङलाई अनुसन्धानको दायरामा नल्याएको भन्दै आलोचना हुँदै आएको थियो ।
उनकी पूर्वपत्नी ज्योति गुरुङले अपचलन गरेको रकम सहकारीबाट लिएको ऋण र उनले भुक्तान गरेको भनिएको ९२ लाख रुपैयाँ सम्बन्धी सोधपुछ गरेको छ । सहकारीको प्रमुख रहेकी ज्योतिविरूद्ध रेड कर्नर नोटिस जारी भइसकेको छ। ज्योतिले सहकारीको १४ करोड ८१ लाख रुपैयाँ बचत अपचलन गरेको आरोप छ।
धनराज र ज्योतिबीच सम्बन्ध विच्छेद हुँदा ज्योतिले सम्पति नलिने र धनराजले सहकारीको ऋण तिर्ने सहमति गरेकी थिइन् ।
सुनाैलाे नेपाल
सुनौलो नेपाल अनलाइन प्रा. लि.
अनामनगर काठमाडौँ, नेपाल
सूचना विभाग दर्ता नम्बर: ५४३/०७४-७५
सम्पर्क : ०१- ४१०२६६४
विज्ञापनका लागि : ९८५१४२००७७, ९८५१४०३८९९
सम्पर्क : ०१- ४१०२६६४
समाचारको लागी इमेल :
[email protected]
विज्ञापनका लागि इमेल :
[email protected]
मोहराज पौडेल
अध्यक्ष / प्रबन्ध निर्देशक
बाबुराम खड्का
प्रधान सम्पादक
