जापानले लगायाे विदेशी नागरिक प्रवेशमा राेक

सुनौलो नेपाल
आइतबार, १२ पुष २०७७

पुस १२ काठमाडौँ, जापानले नेपाललगायतका अन्य मुलुकबाट आउने विदेशी नागरिकहरुलाई प्रवेशमा रोक लगाउने निर्णय गरेको छ । कोभिड–१९ काे नयाँ प्रकार भेटिएसँगै सोमबारबाट लागू हुने गरी जापानले विदेशी नागरिक प्रवेशमा रोक लगाउने निर्णय गरेको हो ।

जापानको विदेशमन्त्रालयका अनुसार यो प्रतिबन्ध जनवरीको अन्तिमसम्म कायम रहने जापानको स्थानीय सञ्चारमाध्यमले जनाएका छन् ।

जापानी नागरिक तथा जपानमा बसोबास गर्ने विदेशीहरुले भने जापानमा आउन पाउनेछन् । तर, उनीहरुले १४ दिन सेल्फ क्वारेन्टिनमा बस्नुपर्ने छ ।

शनिबार जापानको टोकियोमा कोरोनाको नयाँ प्रकारकाे २ जना संक्रमित फेला परेका थिए । उनीहरु बेलायत भ्रमणबाट फर्किएका थिए । यसअघि शुक्रबार पनि बेलायतबाट आएका ५ जनामा संक्रमण देखिएको थियो ।

ताजा अपडेट

लोकप्रिय

जापानले लगायाे विदेशी नागरिक प्रवेशमा राेक