ट्रम्प प्रशासनको इन्डोप्यासेफिक रणनीति सम्बन्धि गोप्य दस्तावेज बाहिरिएको छ । दस्तावेज बाहिरिएसँगै यसले चीन र भारतमा चर्चा पाएको छ । एक अमेरिकी वेवसाइट एक्सिओसले उक्त कागजातको कपि आफुले हेरेको पुष्टि गरेको छ । उक्त दस्तावेज अनुसार अमेरिकाले इन्डो प्यासेफिक क्षेत्रमा चीनसँग मुकाबिला गर्न भारतलाई अघि सारिरहेकोे उल्लेख गरिएको छ ।   

बाहिरिएको दस्तावेज ट्रम्प प्रशासनले सन् २०१८ मा १० पृष्ठमा जारी गरिएको थियो । जसमा चीन, भारत र उत्तर कोरियो पछि अन्य राष्ट्रलाई कसरि हेर्ने भनेर लेखिएको छ । रिपोर्ट अनुसार अमेरिकाले चीनसँग प्रतिस्पर्धा गर्न उदार अर्थतन्त्र भएका देशहरुसँग साझेदारी बढाउनु पर्नेमा जोड दिएको छ , जुन देश अमेरिकासँग नजिक छन् । इन्डोप्यासेफिक रणनीतीमा चीनसँग प्रतिस्पर्धा गर्न ताइवानको बचाव, भारतलाई अघि बढाउने र यस क्षेत्रमा अमेरिकी प्रभुत्वलाई जारी राख्ने उल्लेख गरिएको छ । 

यसको प्रतिक्रियामा चीनियाँ विदेश मन्त्रालयका प्रवक्ता चाव लिजियाँनले यसै रिपोर्टलाई आधार मानेर सोधिएको प्रश्नमा भने, ‘इन्डो प्यासेफिक रणनीति चीनलाई रोक्न र कमजोर पार्नलाई ल्याइएको हो । अमेरिकाको कदमले इलाकामा रहि आएको शान्ति एवम् स्थीरतलाई भंग गर्छ ।’

उनका अनुसार अमेरीकि रणनीति शित युद्धको मानसिकतामा आधारित छ जसले सैनिक टकरावलाई बल पुर्‍याउँछ र क्षेत्रीय पारस्परिक सहयोगलाई नकरात्मक असर गर्छ । 

प्रवक्ता चावले नियमित हुने पत्रकार सम्मेलनमा बोल्दै ताइवानलाई चीनबाट अल्ग्याउने कुनै पनि रणनीति सफल नहुने बताए । 

बि.बि.सि बाट