काठमाडौं । राष्ट्रपति रामचन्द्र पौडेलले कीर्तिपुरस्थित बर्न अस्पतालमा पुगेर उपचाररत उपप्रधानमन्त्री एवं अर्थमन्त्री विष्णु पौडेल र पोखरा महानगरपालिकाका मेयर धनराज आचार्यलाई भेटेका छन् ।

आईतबार बिहान राष्ट्रपति पौडेलसंगै स्वास्थ्यमन्त्री प्रदीप पौडेल र प्रतिनिधिसभा सदस्य  देविप्रकाश भट्टचनसमेत अस्पताल पुगेका थिए ।

त्यसैगरी आइतवार नै सभामुख देवराज घिमिरे , उर्जा, जलश्रोत तथा सिंचाईमन्त्री दीपक खड्का लगायतले उपचचाररत उपप्रधानमन्त्री पौडेल रमेयर आचार्यलाई भेट गरी स्वास्थ्यलाभको कामना गरेका हुन् ।

पोखरा भ्रमण वर्षको उद्घाटनका क्रममा बेलुन विस्फोट हुँदा मन्त्री पौडेल र मेयर आचार्य घाइते भएका थिए । दुवै जनाको बर्न अस्पतालमा उपचार भइरहेको छ ।

राष्ट्रपति, सभामुख, मन्त्रीहरुले उपचाररत पौडेल र आचार्यलाई भेट गरी स्वास्थ्यलाभको कामना गरे । उपचाररत द्वयको स्वास्थ्य अवस्था सामान्य रहेको बताइएको छ ।