फागुन ७, बलिदानपूर्ण संघर्षद्वारा आफूलाई रैतीबाट जनताको दर्जामा पुर्‍याएको दिन : प्रधानमन्त्री ओली

सुनौलो नेपाल
बुधबार, ७ फाल्गुन २०८१

काठमाडौं । प्रधानमन्त्री केपी शार्मा ओलीले फागुन ७ नेपाली जनताको सर्वाधिक महत्वको दिन भएको बताएका छन् ।

७५औं प्रजातन्त्र दिवसको अवसरमा शुभकामना दिँदै प्रधानमन्त्री ओलीले बलिदानपूर्ण संघर्षद्वारा आफूलाई रैतीबाट जनताको दर्जामा पुर्‍याएको दिन फागुन ७ रहेको बताएका हुन् । उनले भनेका छन्- ‘गौरवपूर्ण एवम् ऐतिहासिक यस दिनमा सम्पूर्ण लोकतन्त्रप्रेमी नेपालीहरुमा ७५औँ राष्ट्रिय प्रजातन्त्र दिवसको हार्दिक शुभकामना ।’

प्रधानमन्त्री ओलीले जहानियाँ शासन विरुद्ध जीवन उत्सर्ग गर्नेहुने शुक्रराज शास्त्री, धर्मभक्त माथेमा, दशरथ चन्द र गङ्गालाल श्रेष्ठ लगायत अमर शहीदहरूमा भावपूर्ण श्रद्धाञ्जली र सम्मान अर्पण गरेका छन् ।