सामान्य घट्यो सुनको मूल्य, प्रतितोला कति ?

सुनौलो नेपाल
आइतबार, ३ चैत्र २०८१

काठमाडौँ । नेपाली बजारमा आज सुनको मुल्य रेकर्ड मूल्यबाट केही घटेको छ ।

साताको कारोबारको पहिलो दिन आज आइतबार सुन रेकर्ड मूल्यबाट केही घटेको हो ।

नेपाल सुनचाँदी व्यवसायी महासंघका अनुसार छापावाल सुन तोलामा १ लाख ७४ हजार १०० रुपैयाँमा कारोबार भैरहेको छ ।

यसअघि शुक्रबार छापावाल सुनको मूल्य तोलामा १ लाख ७४ हजार ५०० रुपैयाँमा किनबेच भएको थियो । जुन मूल्य हालसम्मकै उच्च थियो।

शुक्रबारको तुलनामा आइतबार छापावाल सुनको मूल्य तोलामा ४ सय रुपैयाँ घटेको हो ।

यस्तै चाँदीको मूल्य पनि घटेको छ । शुक्रबार तोलामा २ हजार ५० रुपैयाँ कायम भएको चाँदीको मूल्य आइतबार ५ रुपैयाँले घटेर तोलामा २ हजार ४५ रुपैयाँ कायम भएको महासंघले जनाएको छ ।